ГАВОРЫМ НА АДНОЙ МОВЕ – НАВАТ ЖЭСТАВАЙ

• 

Подробности

Обновлено 21.01.2020 10:36

Опубликовано 21.01.2020 10:36

Сёлета вывучаюць жэставую мову дзве групы супрацоўнікаў органаў унутраных спраў з усёй Беларусі. За тыдзень ім трэба набыць базавыя веды і навыкі для зносін з людзьмі, што маюць парушэнні слыху. Такія веды – умова ўзаемаразумення з самымі рознымі катэгорыямі грамадзян, што складаюць так званую "моўную меншасць".

На практычных занятках, што праводзіць Алена Томашава, спецыяліст па дактылалогіі і сурдапедагогіцы, слухачы знаёмяцца са структурай і сімваламі нацыянальнай жэставай мовы, набываюць уменні ажыццяўляць сурдапераклад тэкстаў і вусных паведамленняў. Таксама фарміруецца мінімальны жэставы лексічны слоўнік, неабходны для зносін з людзьмі, што не чуюць. Гэта дапаможа ўстанавіць кантакт, даведацца аб сямейным стане, дапамагчы знайсці дарогу ў незнаёмых абставінах, аказаць медыцынскую альбо прававую дапамогу. Таксама слухачы атрымліваюць веды па спецыяльнай псіхалогіі і псіхалогіі міжасобаснага ўзаемадзеяння ў мікрасоцыуме людзей з парушэннямі слыху.

Многія слухачы курсаў выказалі жаданне працягнуць самастойную працу па вывучэнні жэставай мовы. Ва ўсякім разе, залік, якім скончыліся заняткі першай групы паказаў: супрацоўнікі гатовы размаўляць з грамадзянамі на адной мове – нават на жэставай.

Па матэрыялах кафедры сацыяльна-гуманітарных дысцыплін