НОВЫЯ ТЭХНАЛОГІІ Ў ВУЧЭБНЫМ ПРАЦЭСЕ

  • Печать
Подробности
Обновлено 21.04.2020 12:40
Опубликовано 21.04.2020 12:39

У Магілёўскім інстытуце МУС пашыраецца выкарыстанне інфармацыйна-камунікацыйных тэхналогій у вучэбным працэсе.

DSC09093 DSC09118 DSC09124

Ва ўмовах барацьбы з распаўсюджваннем інфекцыйных захворванняў ў інстытуце лекцыйныя заняткі для курсантаў факультэта міліцыі праводзяцца ў новым фармаце. Сацыяльную дыстанцыю, што захоўваюць паміж выкладчыкамі і курсантамі, дазволіла скараціць сістэма відэаканферэнсувязі, наладжаная аддзелам адукацыйных інфармацыйных тэхналогій.

Курсанты замест лекцыйных залаў застаюцца ў вучэбных класах, куды ідзе трансляцыя. Праверыць, як ідзе працэс, выкладчыкі могуць і праз сістэму зваротнай сувязі, і асабіста зазірнуўшы да курсантаў. Напрыклад, дацэнт кафедры сацыяльна-гуманітарных дысцыплін Антон Ігнатовіч падчас лекцый прапануе навучэнцам адказваць на праблемныя пытанні, працуючы калектыўна.

DSC09160 DSC09174 DSC09178

Дапамагаюць з засваеннем вучэбнага матэрыялу і электронныя вучэбна-метадычныя комплексы, змешчаныя на адукацыйным партале інстытута. Задаць пытанне выкладчыку ці звярнуцца па кансультацыю таксама можна дыстанцыйна.

Сяргей ВЕНІДЗІКТАЎ
Фота Юрыя КУЛАЖЫНА