ІНАВАЦЫЙНАЯ ТРАЕКТОРЫЯ НАВУКІ: РАЗВІЦЦЁ І ПРАГНОЗЫ

• 

Подробности

Обновлено 20.04.2022 17:10

Опубликовано 20.04.2022 09:29

Міжнародная канферэнцыя "Інавацыйная траекторыя навукі: станаўленне, развіццё і прагнозы" – мерапрыемства, да якога інстытут далучыўся як суарганізатар. У рэжыме відэаканферэнцсувязі сустрэліся навукоўцы, выкладчыкі і спецыялісты-практыкі з Расіі, Беларусі, Кіргізіі, Беніна. У праграме – абмеркаванне сучасных і будучых навуковых трэндаў, стратэгій развіцця дзяржаў у сучасных геапалітычных умовах, інфармацыйна-камунікацыйных тэхналогій ў сацыяльнай сферы і адукацыі.

Начальнік кафедры сацыяльна-гуманітарных дысцыплін Сяргей Венідзіктаў выступіў на пленарным пасяджэнні канферэнцыі. Яго даклад, прысвечаны праблемам развіцця інфармацыйнай культуры супрацоўнікаў органаў унутраных спраў як спосабу супрацьдзеяння дэструктыўным тэндэнцыям развіцця камунікацыйнай прасторы, распачаў дыскусію адносна найбольш актуальных кампетэнцый сучаснага спецыяліста. Таксама ў межах пленарнага пасяджэння абмеркавалі маладзёжную палітыку ў навуковай і інавацыйнай сферах, развіццё сучаснай фінансавай сістэмы, павышэнне эфектыўнасці выкарыстання прыродных рэсурсаў, глабальныя праблемы міжнародна-прававой адказнасці. Праца працягнулася падчас секцыйных пасяджэнняў.

Працягнуць навуковую дыскусію з Магілёўскім інстытутам МУС калегі з замежжа плануюць падчас іншых міжнародных канферэнцый, магчыма – у фармаце рэалізацыі сумесных даследчых праектаў.

Па інфармацыі кафедры сацыяльна-гуманітарных дысцыплін