Кафедра сацыяльна-гуманітарных дысцыплін да канферэнцыі далучылася ў дыстанцыйным фармаце, праз сервіс Zoom. Начальнік кафедры маёр міліцыі Сяргей Венідзіктаў выступіў на пленарным пасяджэнні з прывітальным словам, у якім звярнуў увагу на значэнне медыйнай граматнасці сучаснага спецыяліста ў пункту гледжання інфармацыйнай бяспекі дзяржавы.

Канферэнцыя працягнулася 5 секцыйнымі пасяджэннямі. Да працы секцыі «Гісторыка-тэарэтычныя і сацыяльныя праблемы медыякультуры ў медыяадукацыі» далучыўся дацэнт Антон Ігнатовіч з дакладам «Гістарычныя асобы як стыкеры для TELEGRAM». Па выніках канферэнцыі выйдзе зборнік навуковых прац, куды будуць уключаны артыкулы прадстаўнікоў Магілёўскага інстытута МУС.

Мерыпрыемства прайшло пры тэхнічнай падтрымцы аддзела адукацыйных інфармацыйных тэхналогій, сувязі і інфармацыйнай бяспекі інстытута.