Навуковы гурток кафедры сацыяльна-гуманітарных дысцыплін прыняў удзел у дзвюх міжнародных канферэнцыях, што адбыліся ў Брэсцкім дзяржаўным універсітэце імя А.А. Пушкіна.
14 мая распачалася Х Юбілейная міжнародная навукова-практычная канферэнцыя "Псіхалогія сёння: погляд сучаснага студэнта", у якой удзельнічалі студэнты і курсанты з Беларусі, Украіны і Расіі. Падрыхтаваныя пад кіраўніцтвам намесніка начальніка кафедры сацыяльна-гуманітарных дысцыплін старшага лейтэнанта міліцыі Сяргея Венідзіктава даклады курсантаў 4 курса прайшлі папярэдняе рэцэнзаванне і былі ўключаны ў праграму мерапрыемства.
Сяржант міліцыі Аляксандр Калыска зрабіў відэадаклад на тэму "Псіхалогія адхіленага погляду ў СМІ", сяржант міліцыі Дзмітрый Нехін разважаў на тэму псіхалагічных фактараў падлеткавай злачыннасці. Па выніках выступлення на канферэнцыі абодва курсанты атрымалі дыпломы за лепшыя навуковыя даклады.
15 мая адбылася XVII Рэспубліканская навукова-практычная канферэнцыя маладых вучоных, у якой, акрамя Аляксандра Калыскі і Дзмітрыя Нехіна, прыняў удзел курсант 3 курса сяржант міліцыі Аляксандр Крол. Дарэчы, удзел у гэтым мерапрыемстве – традыцыйны для нашага інстытута.
Даклады курсантаў Магілёўскага інстытута МУС рэкамендаваны да апублікавання. Восенню 2015 г. па выніках канферэнцый, што адбыліся ў Брэсцкім дзяржаўным універсітэце імя А.А. Пушкіна, будуць выдадзеныя зборнікі навуковых работ.
Учреждение образования "Могилевский институт Министерства внутренних дел Республики Беларусь" Республика Беларусь, 212011, г. Могилев, ул. Крупской, 67 |
|
mi@institutemvd.by | |
8-0222 72-31-77 (оперативно-дежурная служба), 8-0222 72-31-77 (факс) | |
Время работы: Пн-Пт, 8.30-17.00 (обеденный перерыв: 13.30-14.00) | |
Для инвалидов и лиц с ограниченными возможностями (контактные данные для предварительного сообщения о посещении учреждения образования и объёма требуемой ситуационной помощи: +375297427474 (МТС) или телефон оперативно-дежурной службы 8-0222 72-31-77) |
Новости