Дэлегацыя Магілёўскага інстытута МУС прыняла ўдзел у X Міжнародным навукова-спартыўна-творчым фестывалі курсантаў і студэнтаў «Пскоўскае веча», які адбыўся ў Пскоўскiм філіяле Акадэміі Федеральнай службы выканання пакаранняў Расіі 22-26 траўня.
У Пскоў накіраваліся начальнік кафедры сацыяльна-гуманітарных дысцыплін Сяргей Венідзіктаў і курсанты факультэта міліцыі Вадзім Зайцаў і Уладзіслаў Сокал. У фестывалі прымалі ўдзел больш за 50 курсантаў і студэнтаў з 8 навучальных устаноў Расійскай Федэрацыі (Белгарадскі юрыдычны інстытут МУС, Санкт-Пецярбургскі ўніверсітэт МУС, Акадэмія ФСВП Расіі (Разань), Уладзімірскі юрыдычны інстытут ФСВП Расіі, Наўгародскі універсітэт, Пскоўскі дзяржаўны ўніверсітэт) і Рэспублікі Беларусь (Акадэмія МУС, Магілёўскі інстытут МУС).
Дэлегацыя Магілёўскага інстытута МУС у мерапрыемстве ўдзельнічала ўпершыню. Праграма фестывалю ўключала правядзенне навуковых канферэнцый, семінараў, круглых сталоў, культурна-творчых і спартыўных мерапрыемстваў.
24 траўня адбылася XII Міжнародная навукова-тэарэтычная канферэнцыя ад'юнктаў, курсантаў, студэнтаў і слухачоў «Студэнцкая навука як складнік падрыхтоўкі спецыялістаў». Курсанты інстытута прынялі ўдзел у рабоце секцыі «Юрыдычная псіхалогія». Вадзім Зайцаў з навуковым дакладам, прысвечаным псіхалагічным аспектам злачыннасці асоб пенсійнага ўзросту, заняў другое месца. Даклад курсанта Уладзіслава Сокала на тэму прафесійнай дэфармацыі маўлення супрацоўнікаў міліцыі атрымаў дыплом трэцяй ступені (усяго ў межах секцыі было прадстаўлена 28 навуковых прац). Таксама Вадзім Зайцаў прыняў удзел у гульні КВЗ (па-за конкурсам), за што атрымаў спецыяльны прыз і падзяку аргкамітэта.
![]() |
![]() |
Падчас ваенна-спартыўнай эстафеты паміж камандамі – удзельніцамі фестывалю курсанты інстытута былі ўключаны ў склад аб'яднанай каманды Рэспублікі Беларусь.
25 мая адбылася IX Міжнародная навукова-практычная канферэнцыя «Арганізацыя выхаваўчай і пазавучэбнай работы ў арганізацыях вышэйшай адукацыі», у рабоце якой прыняла ўдзел дэлегацыя інстытута. Начальнік кафедры сацыяльна-гуманітарных дысцыплін Сяргей Венідзіктаў прыняў удзел у семінары-нарадзе куратараў і кіраўнікоў грамадскіх фарміраванняў курсантаў (студэнтаў) адукацыйных арганізацый, выступіўшы з дакладам «Фарміраванне інфармацыйнай граматнасці ва ўстановах вышэйшай адукацыі».
Таксама ўдзельнікі фестывалю пабывалі ў Дзяржаўным мемарыяльным гісторыка-літаратурным і прыродна-ландшафтным музеі-запаведніку А.С. Пушкіна «Міхайлаўскае», наведалі Святагорскі Свята-Успенскі мужчынскі манастыр, дзе знаходзіцца магіла А.С. Пушкіна.
Сяргей ВЕНІДЗІКТАЎ
Фота Пскоўскага філіяла Акадэміі Федеральнай службы выканання пакаранняў Расіі
Учреждение образования "Могилевский институт Министерства внутренних дел Республики Беларусь" Республика Беларусь, 212011, г. Могилев, ул. Крупской, 67 |
|
mi@institutemvd.by | |
8-0222 72-31-77 (оперативно-дежурная служба), 8-0222 72-31-77 (факс) | |
Время работы: Пн-Пт, 8.30-17.00 (обеденный перерыв: 13.30-14.00) | |
Для инвалидов и лиц с ограниченными возможностями (контактные данные для предварительного сообщения о посещении учреждения образования и объёма требуемой ситуационной помощи: +375297427474 (МТС) или телефон оперативно-дежурной службы 8-0222 72-31-77) |
Новости