Курсанты Магілёўскага інстытута МУС узялі ўдзел у XVIII Міжнароднай канферэнцыі студэнтаў і маладых вучоных «Студэнская навука ХХІ стагоддзя», што адбылася ў Віцебскім дзяржаўным медыцынскім універсітэце 14-15 лістапада.
Канферэнцыя сабрала больш за 200 удзельнікаў з Беларусі і замежжа. Свае даклады ў межах секцыі «Сацыяльна-гуманітарныя навукі» агучілі і трое курсантаў інстытута.
Курсант факультэта мiлiцыi Уладзімір Мельнікаў (3 курс) распавёў аб перспектывах выкарыстання тэхналогій тайм-менеджменту ў навучальных установах сістэмы Міністэрства ўнутраных спраў. Аліна Грабко (4 курс) паразважала аб прававых аспектах свабоды сумлення і сучасным стане рэлігійнасці на Беларусі. Выклікаў дыскусію і даклад Уладзіслава Сокала (4 курс) аб негатыўных наступствах для псіхічнага развіцця моладзі празмернай інфарматызацыі грамадства. Навуковыя працы курсанты падрыхтавалі пад кіраўніцтвам начальніка кафедры сацыяльна-гуманітарных дысцыплін Сяргея Венідзіктава.
Ад аргкамітэта канферэнцыі курсанты інстытута атрымалі сертыфікаты, а навуковыя працы будуць уключаны ў зборнік артыкулаў, што выйдзе ў Віцебску.
Кiрыл МАРЖАНАЎ
Фота Сяргея ВЕНІДЗІКТАВА
Учреждение образования "Могилевский институт Министерства внутренних дел Республики Беларусь" Республика Беларусь, 212011, г. Могилев, ул. Крупской, 67 |
|
mi@institutemvd.by | |
8-0222 72-31-77 (оперативно-дежурная служба), 8-0222 72-31-77 (факс) | |
Время работы: Пн-Пт, 8.30-17.00 (обеденный перерыв: 13.30-14.00) | |
Для инвалидов и лиц с ограниченными возможностями (контактные данные для предварительного сообщения о посещении учреждения образования и объёма требуемой ситуационной помощи: +375297427474 (МТС) или телефон оперативно-дежурной службы 8-0222 72-31-77) |
Новости