Дзень еўрапейскіх моў у інстытуце адзначылі конкурсам для курсантаў. Кафедра сацыяльна-гуманітарных дысцыплін з падобнай ініцыятывай выступіла другі год запар.
Каб паказаць важнасць вывучэння замежных моў і скіраваць на самастойную працу, курсантам першага курса прапанавалі паўдзельнічаць у «моўным спаборніцтве». З кожнага ўзвода было сфарміравана па дзве каманды, якім трэба было паказаць уменне арыентавацца ў моўных сітуацыях, з якімі могуць сутыкнуцца супрацоўнікі органаў унутраных спраў пры ахове грамадскага парадку. Напрыклад, гэта зносіны на транспарце, у краме, кафэ, на спартыўным аб'екце, дапамога ў пошуку чалавека і іншыя.
![]() |
![]() |
Курсантам неабходна было прадэманстраваць валоданне не толькі замежнай мовай (англійскай альбо нямецкай), але і беларускай, а таксама агульную камунікатыўную кампетэнтнасць. Журы, у склад якога ўвайшлі выкладчыкі кафедры сацыяльна-гуманітарных дысцыплін, звяртала ўвагу і на артыстызм удзельнікаў, а за добрую беларускую мову налічвала дадатковыя балы.
![]() |
![]() |
Асаблівасць конкурсу ў гэтым годзе – музычны этап. Курсантам трэба было самастойна падабраць песню на англійскай, нямецкай, беларускай альбо іншай еўрапейскай мове і выканаць яе ў фармаце караоке. Гэтая частка конкурсу атрымалася інтэрактыўнай: аўдыторыя з задавальненнем падпявала пад мелодыі «The Beatles», «Акіяна Эльзы», «Radiohead», «Rammstein» і іншых выканаўцаў.
![]() |
![]() |
![]() |
Па выніках конкурсу лепшае валоданне замежнымі мовамі паказала каманда 11 узвода. А лепшага выканаўцу песень на замежных мовах вызначыць галасаванне гледачоў.
Па матэрыялах кафедры сацыяльна-гуманітарных дысцыплін
Фота Дзмiтрыя Тупека
Учреждение образования "Могилевский институт Министерства внутренних дел Республики Беларусь" Республика Беларусь, 212011, г. Могилев, ул. Крупской, 67 |
|
mi@institutemvd.by | |
8-0222 72-31-77 (оперативно-дежурная служба), 8-0222 72-31-77 (факс) | |
Время работы: Пн-Пт, 8.30-17.00 (обеденный перерыв: 13.30-14.00) | |
Для инвалидов и лиц с ограниченными возможностями (контактные данные для предварительного сообщения о посещении учреждения образования и объёма требуемой ситуационной помощи: +375297427474 (МТС) или телефон оперативно-дежурной службы 8-0222 72-31-77) |
Новости