Да ўдзелу ў конкурсе падрыхтаваліся шэсць каманд – па чацвёра курсантаў ад кожнага ўзвода. У гэтым семестры ўсе яны вывучаюць курс рыторыкі кафедры сацыяльна-гуманітарных дысцыплін і выдатна ведаюць: ад умення размаўляць у працы праваахоўнікаў шмат чаго залежыць. Каб вызначыць, хто размаўляе лепш за астатніх, трэба было прайсці праз чатыры конкурсныя выпрабаванні.
![]() |
![]() |
На першым этапе курсантам прапанавалі паўдзельнічаць у дыскусіі на вызначаную тэму (напрыклад, "грошы – не галоўнае шчасце", "лепшы падарунак на Новы год" і іншыя). Перамагла на гэтым этапе каманда 24 узвода.
![]() |
![]() |
На другім этапе з двух дзясяткаў самых розных слоў трэба было скласці завершаны тэкст афіцыйна-справавога стылю. Гумар і нестандартны падыход дазволіў камандам 23 і 24 узвадоў аб'яднаць у адной гісторыі словы "слон" і "інтэрактыўны", "участковы" і "біблейскі". Іх тэксты прызнаны лепшымі.
Трэці этап атрымаўся наполову тэатральным. Камандам неабходна было змадэліраваць канфліктныя сітуацыі па прапанаваных сцэнарыях (напрыклад, звольніць падначаленага, правесці гутарку з нецвярозым грамадзянінам, прайсці праз сямейную сварку і інш.). У гэтым конкурсе не было роўных камандзе 25 узвода.
![]() |
![]() |
![]() |
Акрамя таго, кожная каманда падрыхтавалі індывідуальнае выступленне, балы за якое пайшлі ў агульны залік. Найбольш цікавымі атрымаліся прамовы курсантаў 23, 24 і 25 і 26 узвадоў.
У агульным заліку перамогу святкавала каманда 24 узвода, якая толькі на бал апярэдзіла каманду 23 узвода. На трэцім месцы – курсанты 25 узвода. Нехта з пераможцаў неўзабавае стане ўдзельнікам міжнародных конкурсаў аратарскага майстэрства.
Па матэрыялах кафедры сацыяльна-гуманітарных дысцыплін
Учреждение образования "Могилевский институт Министерства внутренних дел Республики Беларусь" Республика Беларусь, 212011, г. Могилев, ул. Крупской, 67 |
|
mi@institutemvd.by | |
8-0222 72-31-77 (оперативно-дежурная служба), 8-0222 72-31-77 (факс) | |
Время работы: Пн-Пт, 8.30-17.00 (обеденный перерыв: 13.30-14.00) | |
Для инвалидов и лиц с ограниченными возможностями (контактные данные для предварительного сообщения о посещении учреждения образования и объёма требуемой ситуационной помощи: +375297427474 (МТС) или телефон оперативно-дежурной службы 8-0222 72-31-77) |
Новости