У арганізаваным кафедрай сацыяльна-гуманітарных дысцыплін завочным мерапрыемстве прынялі ўдзел больш за 40 даследчыкаў. Гэта навукоўцы, выкладчыкі, аспіранты, студэнты і курсанты навучальных устаноў Рэспублікі Беларусь, Украіны (Кіеў, Вінніца і інш.) і Расійскай Федэрацыі (Масква, Хабараўск, Санкт-Пецярбург, Белгарад і інш.).
Тэматыка прадстаўленых на канферэнцыі даследаванняў закранае тэарэтычныя праблемы моўнай кампетэнтнасці ў працэсе міжкультурнай камунікацыі, анлайн-камунікацыю і моўную кампетэнтнасць, моўную культуру ў прававой сістэме, культурныя аспекты моўнай кампетэнтнасці ў прафесійнай камунікацыі, практычныя падыходы да фарміравання моўнай кампетэнтнасці супрацоўнікаў органаў унутраных спраў і інш. Усе працы будуць выдадзены ў выглядзе зборніка навуковых артыкулаў.
![]() |
![]() |
23 красавіка адбыўся сеанс відэасувязі з удзельнікамі канферэнцыі з Беларусі і Расіі, падчас якога абмеркавалі пытанні навучання з выкарыстаннем інфармацыйна-камунікацыйных тэхналогій.
Старшы выкладчык кафедры сусветных моў Віцебскага дзяржаўнага ўніверсітэта імя П.М.Машэрава Людміла Кажэкіна падзялілася вопытам арганізацыі дыстанцыйнага навучання з выкарыстаннем сістэмы Moodle і іншых адкрытых рэсурсаў.
Дацэнт кафедры замежных моў Дзяржаўнага ўніверсітэта касмічнага прыборабудавання (г. Санкт-Пецярбург) Юлія Галкоўская распавяла, як арганізавана навучанне ва ўмовах барацьбы з каронавірусам. Прынамсці, дыстанцыйныя заняткі для будучых касмічных інжынераў ідуць па раскладзе, лекцыі чытаюцца праз сервіс Zoom, а практычныя заняткі па замежнай мове дазваляе арганізоўваць адукацыйная платформа, створаная на сайце ўніверсітэта.
Сяргей ВЕНІДЗІКТАЎ
Фота Кiрыла МАРЖАНАВА
Учреждение образования "Могилевский институт Министерства внутренних дел Республики Беларусь" Республика Беларусь, 212011, г. Могилев, ул. Крупской, 67 |
|
mi@institutemvd.by | |
8-0222 72-31-77 (оперативно-дежурная служба), 8-0222 72-31-77 (факс) | |
Время работы: Пн-Пт, 8.30-17.00 (обеденный перерыв: 13.30-14.00) | |
Для инвалидов и лиц с ограниченными возможностями (контактные данные для предварительного сообщения о посещении учреждения образования и объёма требуемой ситуационной помощи: +375297427474 (МТС) или телефон оперативно-дежурной службы 8-0222 72-31-77) |
Новости