Да практычных заняткаў, што адбываюцца ў межах павышэння кваліфікацыі "Асновы жэставай мовы" на факультэце павышэння кваліфікацыіі перападрыхтоўкі кадраў, далучыліся дацэнт кафедры мовазнаўства і замежных моў Казанскага інстытута Эльміра Файзуліна і выкладчык Таццяна Ільічова. Удзел выкладчыкаў і дасведчаных спецыялістаў-практыкаў з Казані ў занятках атрымаўся надзвычай актуальным і цікавым для слухачоў.
Сёлета Магілёўскі інстытут прыняў дзве групы супрацоўнікаў органаў унутраных спраў з усёй Беларусі. За тыдзень ім трэба было набыць базавыя веды і навыкі для зносін з людзьмі, што маюць парушэнні слыху. На практычных занятках, што праводзіць Алена Томашава, рэдкі ў нашай краіне спецыяліст па дактылалогіі і сурдапедагогіцы, слухачы знаёмяцца са структурай і сімваламі нацыянальнай жэставай мовы, набываюць уменні ажыццяўляць сурдапераклад тэкстаў і вусных паведамленняў. Таксама фарміруецца мінімальны жэставы лексічны слоўнік, неабходны для зносін з людзьмі, што не чуюць. Гэта дапаможа ўстанавіць кантакт, даведацца аб сямейным стане, дапамагчы знайсці дарогу ў незнаёмых абставінах, аказаць медыцынскую альбо прававую дапамогу.
Калегі з Казанскага юрыдычнага інстытута падзяліліся сваім вопыта выкладання жэставай мовы для супрацоўнікаў паліцыі Расіі, распавялі аб праблемных момантах камунікацыі ў мікрасоцыуме людзей, што не чуюць. У праватнасці, на кафедры мовазнаўства і замежных моў расійскага інстытута распрацавалі свой навучальны дапаможнік, падрыхтавалі відэафільм і актыўна працуюць з пытаннямі перакладу спецыяльнай юрыдычнай лексікі на мову жэстаў.
Заняткі, што прайшлі праз online-сістэму TrueConf, уключылі элементы зваротнай сувязі: выкладчыкі абмяняліся вопытам і абмеркавалі далейшае супрацоўніцтва. У прыватнасці, Сяргей Венідзіктаў, начальнік кафедры сацыяльна-гуманітарных дысцыплін, і Эльміра Файзуліна дамовіліся аб філолагаў з Магілёўскага інстытута ў правядзенні алімпіяды па рускай мове ў новым навучальным годзе. А многія слухачы курсаў выказалі жаданне працягнуць самастойную працу па вывучэнні жэставай мовы.
Учреждение образования "Могилевский институт Министерства внутренних дел Республики Беларусь" Республика Беларусь, 212011, г. Могилев, ул. Крупской, 67 |
|
mi@institutemvd.by | |
8-0222 72-31-77 (оперативно-дежурная служба), 8-0222 72-31-77 (факс) | |
Время работы: Пн-Пт, 8.30-17.00 (обеденный перерыв: 13.30-14.00) | |
Для инвалидов и лиц с ограниченными возможностями (контактные данные для предварительного сообщения о посещении учреждения образования и объёма требуемой ситуационной помощи: +375297427474 (МТС) или телефон оперативно-дежурной службы 8-0222 72-31-77) |
Новости