На конкурс удзельнікі накіравалі больш за 200 прац – вершаў і эсэ. Журы, у склад якога ўвайшлі члены Саюза пісьменнікаў Беларусі, вызначала пераможцаў у трох намінацыях: «І вечнасць радка, як вечнасць жыцця», «Знаёмыя незнаёмцы: нашы сучаснікі», «Мая малая радзіма».
Курсанты Магілёўскага інстытута МУС прызнаны пераможцамі ў намінацыі «Знаёмыя незнаёмцы: нашы сучаснікі». Журы адзначыла верш «Язык и мова» курсанта 4 курса Данііла Свешнікава дыпломам 2 ступені, а серыю вершаў курсанта 2 курса Аляксандры Шмацюк – дыпломам 3 ступені. Данііл Свешнікаў атрымаў яшчэ адну ўзнагароду: ён стаў другім у намінацыі «Паэзія» конкурсу «Велікодная радасць», які быў арганізаваны Магілёўскім аддзяленнем Саюза пісьменнікаў Беларусі, Магілёўскай епархіяй Беларускай Праваслаўнай Царквы, Магілёўскім дзяржаўным універсітэтам імя А.А. Куляшова.
На цырымонію ўзнагароджання, якая адбылася ў МДУ імя А.А.Куляшова, курсанты былі запрошаны разам з куратарам сваіх творчых прац – начальнікам кафедры сацыяльна-гуманітарных дысцыплін Сяргеем Венідзіктавым. Дыпломы за перамогу ў конкурсах курсанты атрымалі з рук старшыні Магілёўскага абласнога аддзялення грамадскага аб'яднання «Саюз пісьменнікаў Беларусі» Аляксандра Казекі.
Па інфармацыі кафедры сацыяльна-гуманітарных дысцыплін
Учреждение образования "Могилевский институт Министерства внутренних дел Республики Беларусь" Республика Беларусь, 212011, г. Могилев, ул. Крупской, 67 |
|
mi@institutemvd.by | |
8-0222 72-31-77 (оперативно-дежурная служба), 8-0222 72-31-77 (факс) | |
Время работы: Пн-Пт, 8.30-17.00 (обеденный перерыв: 13.30-14.00) | |
Для инвалидов и лиц с ограниченными возможностями (контактные данные для предварительного сообщения о посещении учреждения образования и объёма требуемой ситуационной помощи: +375297427474 (МТС) или телефон оперативно-дежурной службы 8-0222 72-31-77) |
Новости