Міжнародны круглы стол "Праблемы выкладання гуманітарных дысцыплін у юрыдычных ВНУ" адбыўся ў рэжыме відэаканферэнцсувязі. Яго ўдзельнікамі сталі прадстаўнікі ўстаноў адукацыі сістэмы МУС Расіі с Екацярынбурга, Барнаула, Белгарада, Валгаграда, Іркуцка, Казані, Краснадара, Ніжняга Ноўгарада, Омска, Растова, Уфы, а таксама навукоўцы і педагогі з Казахстана, Манголіі і Беларусі.
Кафедра сацыяльна-гуманітарных дысцыплін інстытута заявіла да ўдзелу вынікі навуковых даследаванняў выкладчыкаў, найбольш цікавыя з якіх абмеркавалі з калегамі. Выкладчык Уладіслаў Балабанаў падзяліўся вопытам стварэння электронных рэсурсаў для выкладання замежных моў. Дацэнт Вольга Лукіна распавяла пра складанасці гуманітарнай адукацыі ў шматмоўным асяроддзі. Выкладчык Кацярына Лапо прааналізавала падыходы да засваення курсантамі прынцыпаў вуснай камунікацыі з прадстаўнікамі замежжа. Начальнік кафедры Сяргей Венідзіктаў закрануў праблему моўнай рэпрезентацыі супрацоўнікаў органаў унутраных спраў, што забяспечваюць узаемадзеянне са СМІ.
![]() |
![]() |
Асаблівую дыскусію выклікалі пытанні лічбавай трансфармацыі адукацыі і дыстанцыйнага навучання, праблемы міжпрадметнай інтэграцыі ва ўмовах падрыхтоўкі кадраў для органаў унутраных спраў. Даклады ўдзельнікаў круглага стала рэкамендаваны да публікацыі ў навуковым часопісе Уральскага юрыдычныга інстытута "Праваахоўныя органы: тэорыя і практыка", а практычныя рэкамендацыі сталі часткай рэзалюцыі мерапрыемства.
Акрамя абмеркавання навуковых даследаванняў, кіраўнікоў і выкладчыкаў кафедр цікавілі перспектывы супрацоўніцтва. Прынамсі, ужо ў сакавіку распачнецца міжнародны конкурс навуковай інфаграфікі, які Магілёўскі інстытут арганізуе разам з калегамі з Уральскага юрыдычнага інстытута. У красавіку – першы вопыт міжнароднага дыстанцыйнага конкурсу красамоўства, які адбудзецца ў відэафармаце.
Па інфармацыі кафедры сацыяльна-гуманітарных дысцыплін
Фота Кірыла МАРЖАНАВА
Учреждение образования "Могилевский институт Министерства внутренних дел Республики Беларусь" Республика Беларусь, 212011, г. Могилев, ул. Крупской, 67 |
|
mi@institutemvd.by | |
8-0222 72-31-77 (оперативно-дежурная служба), 8-0222 72-31-77 (факс) | |
Время работы: Пн-Пт, 8.30-17.00 (обеденный перерыв: 13.30-14.00) | |
Для инвалидов и лиц с ограниченными возможностями (контактные данные для предварительного сообщения о посещении учреждения образования и объёма требуемой ситуационной помощи: +375297427474 (МТС) или телефон оперативно-дежурной службы 8-0222 72-31-77) |
Новости