Міжвузаўская алімпіяда па прафесійна-арыентаванай англійскай мове прайшла ў Беларускім дзяржаўным эканамічным універсітэце. Да ўдзелу кафедра сацыяльна-гуманітарных дысцыплін падрыхтавала восем першакурснікаў факультэта міліцыі, якія добра праявілі сябе на занятках па замежнай мове. Гэта Раман Бяляўскі, Уладзімір Зімін, Уладзіслаў Касачоў, Арцём Лянькоў, Іван Макаеў, Ілля Халяўкін, Данііл Хадаровіч і Антон Шаркоў. Пыдрыхтавалі курсантаў выкладчыкі Яўген Іваноў і Кацярына Лапо.
![]() |
![]() |
Алімпіяда адбылася ў завочным фармаце. Курсантам было прапанавана выканаць заданні на разуменне прафесійнага тэксту, праслухаць і зразумець інтэрв'ю з носьбітамі англійскай мовы, а таксама прадэманстраваць веданне граматыкі і дзелавой лексікі. На апошнім этапе курсанты адказвалі на пытанні, звязаныя з тэорыяй міжнародных зносін і асаблівасцей такой камунікацыі. Вынікі алімпіяды будуць падведзены праз тыдзень.
Тым часам курсанты трэцяга курса далучыліся да Х Міжнароднай алімпіяды па асновах псіхалогіі і педагогікі "Асоба і бяспека", якую традыцыйна арганізуе Гомельскі дзяржаўны ўніверсітэт імя Ф. Скарыны. Каманду з назвай "Human security" склалі Кацярына Каросцік, Дар'я Гарбачова, Аляксандра Вадзянкова, Крысціна Гарэльчык, Андрэй Саўчанка, Мікіта Барадулін і Антон Шынкевіч. Рыхтавала курсантаў да алімпіяды дацэнт Ірына Лукашкова.
![]() |
![]() |
Завочная алімпіяда пройдзе ў некалькі этапаў. Першы, тэарэтычны, курсанты пераадолелі паспяхова. Вынік праходжання тэставых выпрабаванняў – выдатны. Далей трэба будзе абараніць псіхалагічны праект і падрыхтаваць творчую фотавізітоўку сваёй каманды. Пераможцаў аб'явяць пасля ўсіх выпрабаванняў як у асобных намінацыях, так і ў агульным заліку. Дапамагчы камандзе "Human security" можна будзе і ў online-галасаванні, падтрымаўшы навуковы праект курсантаў.
Па інфмармацыі кафедры сацыяльна-гуманітарных дысцыплін
Учреждение образования "Могилевский институт Министерства внутренних дел Республики Беларусь" Республика Беларусь, 212011, г. Могилев, ул. Крупской, 67 |
|
mi@institutemvd.by | |
8-0222 72-31-77 (оперативно-дежурная служба), 8-0222 72-31-77 (факс) | |
Время работы: Пн-Пт, 8.30-17.00 (обеденный перерыв: 13.30-14.00) | |
Для инвалидов и лиц с ограниченными возможностями (контактные данные для предварительного сообщения о посещении учреждения образования и объёма требуемой ситуационной помощи: +375297427474 (МТС) или телефон оперативно-дежурной службы 8-0222 72-31-77) |
Новости