Семінар па выніковай тэме "Інфармацыйная бяспека" дысцыпліны "Інтэрнэт-камунікацыя ў дзейнасці органаў унутраных спраў" у 26 узводзе факультэта міліцыі прайшоў нестандартна: у фармаце навуковай канферэнцыі. Выкладчык – начальнік кафедры сацыяльна-гуманітарных дысцыплін Сяргей Венідзіктаў – паставіў перад курсантамі задачу падрыхтаваць цікавыя і пераканаўчыя выступленні, выкарыстоўваючы розныя анлайн-інструменты візуалізацыі.
![]() |
![]() |
![]() |
Ужо сам адбор тэм для выступленняў паказаў нестандартны падыход навучэнцаў да праблемы бяспекі ў інтэрнэт-прасторы. Вадзім Кісялёў самастойна распрацаваў алгарытм выяўлення фэйкаў і прэзентаваў яго ў выглядзе інфаграфікі, якую падрыхтаваў ў інтэрнэт-сервісе Canva. Аляксей Краўчанка паказаў рызыкі DarkNet – "цёмнага боку" Інтэрнэту – у выглядзе відэапрэзентацыі. Аб магчымых псіхалагічных дэвіяцыях знаходжання ў Сеціве разважала Дар'я Зыбень, якая распавяла аб рэальных гісторыях кібербулінгу, кіберсуіцыду і хэпіслэпінгу. Механізмы маніпулятыўнага ўздзеяння на свядомасць інтэрнэт-аўдыторыі праз клікбейтныя загалоўкі раскрыла Аляксандра Шведава.
Таксама прагучалі даклады аб магчымасцях блакіроўкі Інтэрнэту (Ксенія Дзехцярэвіч), вопыце дзейнасці ў анлайн-прасторы праваахоўных органаў краін свету (Уладзіслава Яскевіч), футуралагічных канцэпцыях развіцця Сеціва (Дар'я Фацеева). Усе курсанты паспяхова падмацавалі свае выступленні візуальна: адмовіліся ад звыклай PowerPoint-прэзентацыі і паспрабавалі працу ў іншых праграмах і фарматах.
![]() |
![]() |
![]() |
Лепшага дакладчыка канферэнцыі выбралі праз агульнае галасаванне. Ім стаў Аляксей Краўчанка (даклад пра DarkNet). Дыпломы за выступленні атрымалі ўсе ўдзельнікі канферэнцыі. А для ўсяго ўзвода – карысны вопыт і новыя навыкі, якія спатрэбяцца не толькі на занятках, але і ў практычнай дзейнасці.
па інфармацыі кафедры сацыяльна-гуманітарных дысцыплін
Фота: Анатоль Пявец
Учреждение образования "Могилевский институт Министерства внутренних дел Республики Беларусь" Республика Беларусь, 212011, г. Могилев, ул. Крупской, 67 |
|
mi@institutemvd.by | |
8-0222 72-31-77 (оперативно-дежурная служба), 8-0222 72-31-77 (факс) | |
Время работы: Пн-Пт, 8.30-17.00 (обеденный перерыв: 13.30-14.00) | |
Для инвалидов и лиц с ограниченными возможностями (контактные данные для предварительного сообщения о посещении учреждения образования и объёма требуемой ситуационной помощи: +375297427474 (МТС) или телефон оперативно-дежурной службы 8-0222 72-31-77) |
Новости