Міжнародная навуковая канферэнцыя маладых даследчыкаў "Моладзь XXI стагоддзя: адукацыя, навука, інавацыі" традыцыйна адбылася ў Віцебскім дзяржаўным універсітэце імя П.М.Машэрава. Сёлетняе мерапрыемства прадугледжвала выступленні і публікацыі выключна на англійскай мове і сабрало больш як 170 удзельнікаў з Беларусі і замежжа. Магілёўскі інстытут прадставілі чацвёра курсантаў – удзельнікаў навуковага гуртка кафедры сацыяльна-гуманітарных дысцыплін. Узначаліў дэлегацыю начальнік кафедры Сяргей Венідзіктаў.
![]() |
![]() |
![]() |
Праца канферэнцыі адбывалася ў фармаце пленарнага пасяджэння і 9 секцый, што закраналі важныя напрамкі сучаснай навукі. Курсанты інстытута прэзентавалі свае работы на гістарычнай і педагагічна-псіхалагічнай секцыях.
Курсант Уладзіслаў Хіркоўскі (1 курс) атрымаў дыплом першай ступені за выступленне з дакладам аб візуальных асаблівасцях плакатаў, размешчаных у Беларускім дзяржаўным музеі гісторыі Вялікай Айчыннай вайны (навуковы кіраўнік – дацэнт Антон Ігнатовіч). На гэтай жа секцыі выступіла з прэзентацыямі вынікаў свайго даследавання выяўлення паўсядзённага жыцця савецкай міліцыі на плакатах курсант 2 курса Анастасія Касяк (адзначана сертыфікатам удзельніка).
Першакурсніцы Аляксандра Панасюк і Анастасія Лаўрова атрымалі дыпломы першай і другой ступені адпаведна за даклады на псіхалагічнай секцыі, прысвечаныя праблеме пенсійных суіцыдаў і спецыфіцы адаптацыі курсантаў да навучання ва ўстановах сістэмы МУС (навуковы кіраўнік – Сяргей Венідзіктаў).
Навуковыя працы курсантаў інстытута ўвайшлі ў зборнік навуковых прац "The Youth of the 21st Century: Education, Science, Innovations", выдадзены ў Віцебскім дзяржаўным універсітэце.
Па інфармацыі кафедры сацыяльна-гуманітарных дысцыплін
Учреждение образования "Могилевский институт Министерства внутренних дел Республики Беларусь" Республика Беларусь, 212011, г. Могилев, ул. Крупской, 67 |
|
mi@institutemvd.by | |
8-0222 72-31-77 (оперативно-дежурная служба), 8-0222 72-31-77 (факс) | |
Время работы: Пн-Пт, 8.30-17.00 (обеденный перерыв: 13.30-14.00) | |
Для инвалидов и лиц с ограниченными возможностями (контактные данные для предварительного сообщения о посещении учреждения образования и объёма требуемой ситуационной помощи: +375297427474 (МТС) или телефон оперативно-дежурной службы 8-0222 72-31-77) |
Новости