У кітайска-беларускі індустрыяльны парк «Вялікі камень» накіравалася дэлегацыя з ліку курсантаў і прадстаўнікоў кафедр сацыяльна-гуманітарных дысцыплін і адміністрацыйнай дзейнасці. Фармальная нагода – Дзень народнай паліцыі Кітая, які святкуецца 10 студзеня – сабрала ў Цэнтры паліцэйскага супрацоўніцтва прадстаўнікоў Міністэрства ўнутраных спраў, мінскай міліцыі, кіраўніцтва індустрыяльнага парка.
![]() |
![]() |
![]() |
У прэс-цэнтры «Вялікага камня» гасцям прапанавалі прэзентацыю аб дзейнасці кітайскай паліцыі, кароткае знаёмства з яе гісторыяй і дасягненнямі ў ХХІ стагоддзі. Дарэчы, прафесійнае свята кітайскія праваахоўнікі святкуюць толькі з 2021 года, а дата абрана сімвалічная: дзясяты дзень першага месяца года адпавядае экстранаму нумару «110» у КНР. Віншаванні з гэтам днём прагучалі і ад прадстаўнікоў інстытута: начальніка кафедры сацыяльна-гуманітарных дысцыплін Сяргея Венідзіктава і выкладчыка гэтай кафедры Яўгена Іванова, намесніка начальніка кафедры адміністрацыйнай дзейнасці Аляксандра Лубянкова.
![]() |
![]() |
Для курсантаў мерапрыемства стала выдатнай нагодай бліжэй пазнаёміцца з працай замежных праваахоўнікаў, задаць пытанні і атрымаць моўную практыку: у асноўным размаўлялі па-англійску. Акрамя таго, перад паездкай курсанты атрымалі творчае заданне: па выніках візіту напісаць невялікую краіназнаўчую справаздачу на англійскай мове. З гэтым справіліся на «выдатна».
Бонусам да візіту стала наведванне павільёнаў індустрыяльнага парка і прамысловых прадпрыемстваў, што працуюць у «Вялікім камні». Прынамсі, курсанты наведалі прадпрыемства FAST, дзе вырабляюць трансмісіі для грузавых аўто, і паназіралі за тэхналагічным працэсам на ўсіх этапах.
![]() |
![]() |
Супрацоўніцтва Магілёўскага інстытута МУС з Кітаем распачалося летам 2022 года з візіту кіраўніцтва Цэнтра паліцэйскага супрацоўніцтва «Вялікага камня» ў нашу навучальную ўстанову. Узаемадзеянне будзе працягвацца: у планах – сумесныя адукацыйныя праекты з удзелам курсантаў і выкладчыкаў.
{videobox}XyQh9HCZgSs|Великий камень||t_width=250, t_height=150, pages=1, break=0, lightbox=0, button=1{/videobox}
Па матэрыялах кафедры сацыяльна-гуманітарных дысцыплін
Учреждение образования "Могилевский институт Министерства внутренних дел Республики Беларусь" Республика Беларусь, 212011, г. Могилев, ул. Крупской, 67 |
|
mi@institutemvd.by | |
8-0222 72-31-77 (оперативно-дежурная служба), 8-0222 72-31-77 (факс) | |
Время работы: Пн-Пт, 8.30-17.00 (обеденный перерыв: 13.30-14.00) | |
Для инвалидов и лиц с ограниченными возможностями (контактные данные для предварительного сообщения о посещении учреждения образования и объёма требуемой ситуационной помощи: +375297427474 (МТС) или телефон оперативно-дежурной службы 8-0222 72-31-77) |
Новости