У межах заняткаў па дысцыпліне "Інтэрнэт-камунікацыя ў дзейнасці органаў унутраных спраў" лекцыю для курсантаў 2 курса факультэта міліцыі прачытала начальнік упраўлення інфармацыі і грамадскіх сувязей МУС палкоўнік міліцыі Наталля Сахарчук. Тэма заняткаў – "Органы ўнутраных спраў у камунікацыйнай інтэрнэт-прасторы" – максімальна набліжана да практычных задач, якія вырашае прэс-служба Міністэрства. І ў той жа час – цікавая для курсантаў, якія ў сваім узросце адносяцца да самых актыўных інтэрнэт-карыстальнікаў.
![]() |
![]() |
![]() |
У сваім выступленні Наталля Сахарчук пазнаёміла курсантаў з актуальнымі праектамі Міністэрства, што рэалізуюцца ў Інтэрнэце, закранула пытанні фарміравання іміджу і рэпутацыі супрацоўнікаў міліцыі, раскрыла механізм узаемадзення МУС з інтэрнэт-ресурсамі. Курсанты з цікавасцю даведаліся, як службовая інфармацыя становіцца навіной, цікавай для сродкаў масавай інформацыі, як змагаюцца з дэструктыўнай інфармацыяй і як нараджаюцца ідэі для рэйтынгавых інтэрнэт-праектаў.
Наталля Міхайлаўна прапанавала курсантам і невялікі майстар-клас: як паводзіць сябе з журналістамі і з грамадзянамі, калі ажыццяўляюцца відэаздымкі. Потым – адказала на пытанні.
Слухачоў факультэта павышэння кваліфікацыі і перападрыхтоўкі кадраў чакала лекцыя па дысцыпліне "Сувязі з грамадскасцю ў дзейнасці органаў унутраных спраў". Наталля Сахарчук прапанавала свой погляд на тэму "Арганізацыя і правядзенне кампаній па сувязях з грамадскасцю ў дзейнасці органаў унутраных спраў". Слухачы з усёй краіны атрымалі магчымасць у рэжыме рэальнага часу задаць пытанні і выказаць сваё бачанне сітуацыі ў інфармацыйным полі. У прыватнасці, цікавіла праца Міністэрства ва ўмовах канфліктаў, праблемы павышэння ўзроўню камунікацыйнай культуры супрацоўнікаў і іх інфармацыйнай абароненасці, праца Тэлеграм-каналаў.
![]() |
![]() |
Прэс-сакратар Міністэрства ўнутраных спраў не першы раз наведвае інстытут, каб паўдзельнічаць у правядзенні заняткаў. Падобная практыка стала традыцыйнай, які і фота на памяць пасля лекцый.
Сяргей Венідзіктаў
Фота Кірыла Маржанава
Учреждение образования "Могилевский институт Министерства внутренних дел Республики Беларусь" Республика Беларусь, 212011, г. Могилев, ул. Крупской, 67 |
|
mi@institutemvd.by | |
8-0222 72-31-77 (оперативно-дежурная служба), 8-0222 72-31-77 (факс) | |
Время работы: Пн-Пт, 8.30-17.00 (обеденный перерыв: 13.30-14.00) | |
Для инвалидов и лиц с ограниченными возможностями (контактные данные для предварительного сообщения о посещении учреждения образования и объёма требуемой ситуационной помощи: +375297427474 (МТС) или телефон оперативно-дежурной службы 8-0222 72-31-77) |
Новости