Міжнародная навукова-практычная канферэнцыя "Актуальныя пытанні філалогіі і методыкі выкладання рускай і замежных моў" адбылася ў рэжыме відэаканферэнцсувязі. Арганізатары – кафедра замежных моў Уральскага юрыдычнага інстытута МУС Расіі – запрасілі да ўдзелу выкладчыкаў, аспірантаў і ад'юнктаў з навучальных устаноў Расіі і замежжа, а таксама ўсіх, хто цікавіцца праблемамі сучаснай філалагічнай адукацыі.
Кафедра сацыяльна-гуманітарных дысцыплін інстытута накіравала на мерапрыемства некалькі дакладаў. На пленарным пасяджэнні канферэнцыі выступілі начальнік кафедры Сяргей Венідзіктаў, а таксама выкладчыкі Уладзіслаў Балабанаў і Кацярына Лапо. Даклады прадстаўнікоў інстытута закраналі пытанні фарміравання медыякамунікатыўнай кампетэнтнасці навучэнцаў у сістэме агульнай інфармацыйнай бяспекі асобы і грамадства, а таксама вопыту распрацоўкі электронных навучальных рэсурсаў па замежных мовах. Удзельнікаў пасяджэння цікавіў вопыт інстытута ў рэалізацыі падчас выкладання моўных дысцыплін элементаў медыяадукацыі.
У праграме канферэнцыі таксама – выступленні даследчыкаў з устаноў адукацыі Расіі, Беларусі, Казахстана, Манголіі, прысвечаныя самым розным аспектам развіцця моўнай культуры супрацоўнікаў органаў унутраных спраў. Даклады будуць апублікаваны ў зборніку навуковых артыкулаў Уральскага юрыдычнага інстытута МУС Расіі "Праваахоўныя органы: тэорыя і практыка".
Учреждение образования "Могилевский институт Министерства внутренних дел Республики Беларусь" Республика Беларусь, 212011, г. Могилев, ул. Крупской, 67 |
|
mi@institutemvd.by | |
8-0222 72-31-77 (оперативно-дежурная служба), 8-0222 72-31-77 (факс) | |
Время работы: Пн-Пт, 8.30-17.00 (обеденный перерыв: 13.30-14.00) | |
Для инвалидов и лиц с ограниченными возможностями (контактные данные для предварительного сообщения о посещении учреждения образования и объёма требуемой ситуационной помощи: +375297427474 (МТС) или телефон оперативно-дежурной службы 8-0222 72-31-77) |
Новости