Кафедра сацыяльна-гуманітарных дысцыплін арганізавала алімпіяду па замежных мовах для курсантаў першага курса Магілёўскага інстытута МВД. Мэтай алімпіяды стала не толькі паглыбленне ведаў англійскай і нямецкай моў, але і развіццё навуковых кампетэнцый.
Мерапрыемства прайшло ў два этапы. На першым этапе курсантам было прапанавана даць адказы на тэставыя заданні па англійскай і нямецкай мовах, накіраваныя на праверку ўзроўню граматычных і лексічных ведаў. Другі этап быў цалкам звязаны з навукай. Курсанты мелі магчымасць выбраць навуковую тэму і падрыхтаваць артыкул да публікацыі, з прэзентацыяй на замежнай мове. Такім чынам, кожны курсант меў магчымасць прадэманстраваць не толькі веды па замежнай мове, але і свае здольнасці да навукі.
Журы вызначыла пераможцаў прадметнай алімпіяды: па англійскай мове імі сталі Руслана Бутоніна (дыплом І ступені), Кацярына Папіціч (дыплом ІІ ступені), дыплом ІІІ ступені атрымаў Іван Бяржанін. Па нямецкай мове дыпломы атрымалі Аліна Касцюкова (дыплом І ступені), Юлія Кавалева (дыплом ІІ ступені), Максім Лазаковіч (дыплом ІІІ ступені).
У конкурсе навуковых праектаў дыпломы першай ступені атрымалі Ілья Клімовіч з артыкулам на англійскай мове пра слэнг у сусветнавядомай камп'ютарнай гульні CS:GO і Аліна Касцюкова з артыкулам на нямецкай мове пра культурны кампанент у нямецкіх прыказках. Дыпломам другой ступені была ўзнагароджана Руслана Бутоніна за даследаванне ўплыву Стогадовай вайны на развіццё англійскай мовы, а дыплом трэцяй ступені быў уручаны Івану Бяржаніну за працу на англійскай мове па анамастыцы ў творы А. Сапкоўскага «Вядзьмар».
Учреждение образования "Могилевский институт Министерства внутренних дел Республики Беларусь" Республика Беларусь, 212011, г. Могилев, ул. Крупской, 67 |
|
mi@institutemvd.by | |
8-0222 72-31-77 (оперативно-дежурная служба), 8-0222 72-31-77 (факс) | |
Время работы: Пн-Пт, 8.30-17.00 (обеденный перерыв: 13.30-14.00) | |
Для инвалидов и лиц с ограниченными возможностями (контактные данные для предварительного сообщения о посещении учреждения образования и объёма требуемой ситуационной помощи: +375297427474 (МТС) или телефон оперативно-дежурной службы 8-0222 72-31-77) |
Новости