Навуковае мерапрыемства, прымеркаванае да Дня народнага адзінства, прайшло ў інстытуце трэці год запар. І зноў прыцягнула ўвагу калег з іншых навучальных устаноў Магілёва, а таксама вучоных з Екацярынбурга. У лік суарганізатараў увайшлі таксама кафедра сацыяльна-гуманітарных дысцыплін Беларускага дзяржаўнага ўніверсітэта харчовых і хімічных тэхналогій і кафедра замежных моў Уральскага юрыдычнага інстытута МУС Расіі.
![]() |
![]() |
![]() |
Даслечыкі з Уральскага юрыдычнага інстытута МУС Расіі прынялі ўдзел у семінары праз сістэму відэаканферэнцсувязі. Дацэнт кафедры замежных моў Вольга Шунякова ў лічбах і фактах ацаніла ўклад беларусаў у перамогу ў Вялікай Айчыннай вайне. Курсант з Екацярынбурга Валерыя Пятроўскіх пранаалізавала архіўныя дакументы, прысвечаныя генацыду, а курсант Мікіта Дазмораў паразважаў аб значнасці народнай еднасці дзяржаў.
Дацэнт кафедры сацыяльна-гуманітарных дысцыплін БДУХХТ Ігар Пушкін выступіў з дакладам, прысвечаным пасляваеннаму аднаўленню. Яго калега, дацэнт Аляксандр Косцераў, абмаляваў карціну воінскага яднання падчас абароны Магілёва ў 1941 годзе, а старшы выкладчык Віктар Юдзін узняў праблему войн памяці і фальсіфікацыі гісторыі.
![]() |
![]() |
![]() |
Таксама ў межах мерапрыемства – даклады прадстаўнікоў кафедры сацыяльна-гуманітарных дысцыплін інстытута Антона Ігнатовіча, Аляксандра Вараб'ёва, Сяргея Венідзіктава, Рамана Галынскага, Надзеі Канашэвіч, прысвечаныя яднанню беларусаў. Ад навуковай супольнасці курсантаў выступіла першакурсніца Варвара Няхаева.
Прадстаўленыя на семінары даклады будуць надрукаваны ў наступным выпуску зборніка навуковых прац "Thesaurus".
Па інфармацыі кафедры сацыяльна-гуманітарных дысцыплін
Фота Сяргея Лабады
Учреждение образования "Могилевский институт Министерства внутренних дел Республики Беларусь" Республика Беларусь, 212011, г. Могилев, ул. Крупской, 67 |
|
mi@institutemvd.by | |
8-0222 72-31-77 (оперативно-дежурная служба), 8-0222 72-31-77 (факс) | |
Время работы: Пн-Пт, 8.30-17.00 (обеденный перерыв: 13.30-14.00) | |
Для инвалидов и лиц с ограниченными возможностями (контактные данные для предварительного сообщения о посещении учреждения образования и объёма требуемой ситуационной помощи: +375297427474 (МТС) или телефон оперативно-дежурной службы 8-0222 72-31-77) |
Новости