Выйшаў у свет вучэбны дапаможнік "Беларуская мова (юрыдычная лексіка)", падрыхтаваны кандыдатамі філалагічных навук, дацэнтамі Сяргеем Венідзіктавым (начальнік кафедры сацыяльна-гуманітарных дысцыплін інстытута) і Сяргеем Даніленкам (дацэнт кафедры юрыдычных дысцыплін БІП).
Вучэбны дапаможнік атрымаў грыф Міністэрства адукацыі Рэспублікі Беларусь. Гэта трэцяе вучэбнае выданне па дысцыпліне "Беларуская мова", падрыхтаванае на кафедры сацыяльна-гуманітарных дысцыплін: першы вучэбны дапаможнік выйшаў ў 2013 г. у выдавецтве "Издательский дом Гревцова", другі – у 2019 г. у выдавецтве "Вышэйшая школа". Дысцыпліна "Беларуская мова" вывучаецца ў інстытуце з 2010 года. Прынцыповай задачай вучэбнага курса з'яўляецца выпрацоўка ўменняў практычнага карыстання супрацоўнікамі органаў унутраных спраў беларускай юрыдычнай тэрміналогіяй і прафесійнай лексікай.
Выданне "Беларуская мова (юрыдычная лексіка)" змяшчае тэарэтычныя звесткі па дысцыпліне, практычныя заданні, тэксты юрыдычнай тэматыкі для перакладу, кароткі руска-беларускі слоўнік юрыдычных тэрмінаў, пытанні для самаконтролю і для падрыхтоўкі да заліку па дысцыпліне. Знешняя асаблівасць кнігі – вокладка, у афармленні якой выкарыстана візуалізацыя верша Максіма Танка "Родная мова".
Дапаможнік адрасаваны курсантам і студэнтам устаноў вышэйшай адукацыі па юрыдычных спецыяльнасцях. Для магілёўскіх курсантаў выданне атрымалася надзвычай своечасовым: літаральна праз месяц іх чакае залік па беларускай мове, падрыхтавацца да якога цяпер будзе прасцей.
Учреждение образования "Могилевский институт Министерства внутренних дел Республики Беларусь" Республика Беларусь, 212011, г. Могилев, ул. Крупской, 67 |
|
mi@institutemvd.by | |
8-0222 72-31-77 (оперативно-дежурная служба), 8-0222 72-31-77 (факс) | |
Время работы: Пн-Пт, 8.30-17.00 (обеденный перерыв: 13.30-14.00) | |
Для инвалидов и лиц с ограниченными возможностями (контактные данные для предварительного сообщения о посещении учреждения образования и объёма требуемой ситуационной помощи: +375297427474 (МТС) или телефон оперативно-дежурной службы 8-0222 72-31-77) |
Новости