Лекцыя на тэму «Падсуднасць. Прызначэнне і падрыхтоўка судовага разбіральніцтва. Судовае разбіральніцтва» на трэцім курсе факультэта міліцыі прайшла ў форме бінарных заняткаў. Ідэю інтэграцыі вучэбных прадметаў і раскрыцця міжпрадметных сувязей у інстытуце працягваюць рэалізоўваць кафедры крымінальнага права, крымінальнага працэсу і крыміналістыкі і сацыяльна-гуманітарных дысцыплін. Ад першых – дысцыпліна «Крымінальны працэс», ад другіх – «Рыторыка» і «Прафесійная этыка», якія курсанты вывучалі раней. Асноўная ідэя заняткаў – паказаць навучэнцам сувязь розных, на першы погляд, дысцыплін, абагульніць і сістэматызаваць набытыя веды, сфарміраваць цэласнае ўспрыняцце сваіх прафесійных кампетэнцый.
![]() |
![]() |
У падрыхтоўцы і правядзенні лекцыі былі задзейнічаны два выкладчыкі розных кафедр: прафесар кафедры крымінальнага права, крымінальнага працэсу і крыміналістыкі Святлана Даўгун і начальнік кафедры сацыяльна-гуманітарных дысцыплін маёр міліцыі Сяргей Венідзіктаў. Падчас лекцыі кожны педагог правёў сваю частку навучальных заняткаў аўтаномна. Асноўныя пытанні лекцыі, прадугледжаныя вучэбнай праграмай, раскрыла Святлана Даўгун, а Сяргей Венідзіктаў замацаваў камунікатыўны аспект тэмы лекцыі. Акцэнты былі зроблены на тыповых памылках супрацоўнікаў у зносінах з некарэктнымі суразмоўцамі і варыянтах пераадолення камунікатыўных бар'ераў. Разгледзелі спосабы рэагавання на моўныя правакацыі, шляхі зніжэння канфліктнасці ў зносінах, метады супрацьдзеяння маніпуляцыям.
![]() |
![]() |
Лекцыйныя заняткі такога фармату дазваляюць павысіць матывацыю ў навучэнцаў, сфарміраваць цікавасць да прафесіі, скіраваць на самастойную працу. Падобную практыку кафедры распачалі ў 2022 годзе і плануюць працягваць.
Па матэрыялах кафедр сацыяльна-гуманітарных дысцыплін і крымінальнага права, крымінальнага працэсу і крыміналістыкі
Фота: Варвара ЧЫЖ
Учреждение образования "Могилевский институт Министерства внутренних дел Республики Беларусь" Республика Беларусь, 212011, г. Могилев, ул. Крупской, 67 |
|
mi@institutemvd.by | |
8-0222 72-31-77 (оперативно-дежурная служба), 8-0222 72-31-77 (факс) | |
Время работы: Пн-Пт, 8.30-17.00 (обеденный перерыв: 13.30-14.00) | |
Для инвалидов и лиц с ограниченными возможностями (контактные данные для предварительного сообщения о посещении учреждения образования и объёма требуемой ситуационной помощи: +375297427474 (МТС) или телефон оперативно-дежурной службы 8-0222 72-31-77) |
Новости