Дацэнт кафедры сацыяльна-гуманітарных дысцыплін Антон Ігнатовіч працягвае ўкараняць у навучальны працэс вынікі навуковага даследавання візуалізацыі навучальнай інфармацыі, якое рэалізаваў у мінулым годзе разам з начальнікам кафедры маёрам міліцыі Сяргеем Венідзіктавым. Антон Яўгенавіч адзначае:
- Вывучаючы гісторыю, часам вельмі цяжка ўявіць сабе пэўныя працэсы, што адбываліся ў мінулым. Таму адным з найлепшых сродкаў у вывучэнні гісторыі выступае візуалізацыя. Тэкст ёсць тэкст, але ж без карты, схемы, малюнка не абыйсціся.
![]() |
![]() |
![]() |
На занятках па гісторыі, што праводзіць Антон Ігнатовіч на першым курсе, звыклай практыкай стала дэманстрацыя і аналіз відэа- і фотадакументаў, гістарычных карцін, плакатаў. С асаблівай цікавасцю курсанты ўспранялі скрайбінг – тэхніку стварэння візуальных вобразаў, калі дакладчык ілюструе свой аповяд малюнкамі на дошцы або лісце паперы. Асновай звычайна з'яўляюцца структурна-лагічныя схемы, колы Эйлера, дыяграмы, таймлайны. Замалёўкі могуць уключаць нават элементы коміксаў, калі ў курсантаў ёсць такія творчыя здольнасці. Важна, што курсанты актыўна бяруць метады на ўзбраенне і актыўна выкарыстоўваюць іх пры адказах на семінарах.
Між тым, сёлета ў перашкурснікаў з'явілася магчымасць не толькі пабачыць плакаты, кінастужкі, карціны, але і патрымаць у руках пэўныя артэфакты. Так, старшы выкладчык кафедры сацыяльна-гуманітарных дысцыплін Раман Галынскі падчас правядзення семінарскіх заняткаў па гісторыі беларускай дзяржаўнасці і гісторыі дзяржавы і права замежных краін дэманструе археалагічныя матэрыялы.
- Разнастайныя рэчы, здабытыя пры археалагічным ці этнаграфічным вывучэнні Магілёўшчыны пакуль яшчэ не прайшлі паўнавартаснае навуковае вывучэнне і не патрапілі ў музейныя фонды. Але яны ўжо зараз дапамагаюць курсантам сапраўды дакрануцца да мінулага, - распавядае Раман Дзмітрыевіч.
![]() |
![]() |
![]() |
Так, вывучаючы этнагенэз беларусаў ці падзеі часоў сярэднявечча, альбо першай паловы ХХ ст., курсанты знаёмяцца з адпаведнымі археалагічнымі і этнаграфічнымі артэфактамі. Сярод іх і каменная сякера часоў бронзавага веку, і зашпілька-фібула Х–ХІІІ стст., і арабская манета, якую прывезлі на нашы землі вікінгі, і нават годны да выкарыстання карабок з савецкімі запалкамі 1970-х гг.
Курсанты з дапамогай падобнага нагляднага матэрыялу ўдасканальваюць сваё разуменне айчыннай і сусветнай гісторыі. Добрыя веды, набытыя праз дотык да мінулага, павінны дапамагчы і на экзаменах.
Па інфармацыі кафедры сацыяльна-гуманітарных дысцыплін
Фота Варвары Чыж
Учреждение образования "Могилевский институт Министерства внутренних дел Республики Беларусь" Республика Беларусь, 212011, г. Могилев, ул. Крупской, 67 |
|
mi@institutemvd.by | |
8-0222 72-31-77 (оперативно-дежурная служба), 8-0222 72-31-77 (факс) | |
Время работы: Пн-Пт, 8.30-17.00 (обеденный перерыв: 13.30-14.00) | |
Для инвалидов и лиц с ограниченными возможностями (контактные данные для предварительного сообщения о посещении учреждения образования и объёма требуемой ситуационной помощи: +375297427474 (МТС) или телефон оперативно-дежурной службы 8-0222 72-31-77) |
Новости