Курсант 1 курса факультэта міліцыі Андрэй Манукін прыняў ўдзел у Міжнародным конкурсе чытальнікаў «Чытаем "Цёркіна" разам», які адбыўся ва Уральскім юрыдычным інстытуце Міністэрства ўнутраных спраў Расіі. Конкурс быў прысвечаны 75-годдзю перамогі ў Вялікай Айчыннай вайне і 110-годдзю з дня нараджэння пісьменніка-франтавіка Аляксандра Твардоўскага.
У Екацерынбург трэба было накіраваць відэазапіс дэкламацыі урыўка з паэмы Твардоўскага «Васіль Цёркін». Андрэй Манукін абраў урывак «Вайне...», які журы адзначыла сярод лепшых, звярнуўшы ўвагу на арыгінальнасць трактоўкі тэксту, культуру маўлення, эмацыйнасць і экспрэсіўнасць нашага чытальніка. Падрыхтаваў курсанта да ўдзелу ў мерапраемстве начальнік кафедры сацыяльна-гуманітарных дысцыплін Сяргей Венідзіктаў.
Прадстаўнік Магілёўскага інстытута ўзнагароджаны дыпломам 1 ступені. З фрагментаў лепшых работ арганізатары конкурсу плануюць стварыць відэафільм – чытаць «Цёркіна» курсант нашага інстытута будзе ў кампаніі студэнтаў і курсантаў з Расіі, Беларусі і іншых краін.
Дарэчы, гэта ўжо другі поспех першакурсніка Андрэя Манукіна ў літаратурных конкурсах. Не так даўно ён перамог на міжнародным конкурсе "We are the heirs to the Great Victory" ("Мы – спадкаемцы Вялікай Перамогі"), што адбыўся ў Далёкаўсходнім юрыдычным інстытуце МУС Расіі (Хабараўск).
Па інфармацыі кафедры сацыяльна-гуманітарных дысцыплін
Учреждение образования "Могилевский институт Министерства внутренних дел Республики Беларусь" Республика Беларусь, 212011, г. Могилев, ул. Крупской, 67 |
|
mi@institutemvd.by | |
8-0222 72-31-77 (оперативно-дежурная служба), 8-0222 72-31-77 (факс) | |
Время работы: Пн-Пт, 8.30-17.00 (обеденный перерыв: 13.30-14.00) | |
Для инвалидов и лиц с ограниченными возможностями (контактные данные для предварительного сообщения о посещении учреждения образования и объёма требуемой ситуационной помощи: +375297427474 (МТС) или телефон оперативно-дежурной службы 8-0222 72-31-77) |
Новости